最近阿史得閒，睇返幾年前內地套古裝劇《琅琊榜》，响戲中就有提到「東宮太子之位」，以及皇帝封鎖東宮。咁响古代東宮同太子又有乜關係呢？
東宮其實係中國古代宮殿指稱，因方位座落於東面因而得名。「東」時屬春，色屬青，故又稱「春宮」、「青宮」。咁點解古代太子又會响東宮生活呢？根據易學，八卦中嘅震卦代表正東方，由於人倫中為長子，所以東方就係最適合家中長子所生活嘅地方位置。皇宮風水亦沿用呢個理念，加上古代立太子大多數係長子，所以太子同東宮就咁樣扯上關係喇！亦由於太子係儲君，所以東宮又叫做「儲宮」。
原圖：《琅琊榜》劇照