提起古代嘅有錢人，阿史以往都介紹過唔少男子都會有妾侍、歌姬等等，但其實呢種風氣唔止喺男人之間流行，古代亦都有唔少被貴婦所養嘅男寵，阿史今次就同大家講一講啦！
如果諗到「男寵」，史上最著名嘅自然就係被武則天所養嘅張易之、張昌宗兄弟，咁喺民間又係點解會盛行呢？其一，就係為咗爭取身份上嘅威儀以及權利，有眾多一表人才嘅男子喺身邊，喺古代嚟講都算得上係一種身份象徵，而且呢種行為亦都係為咗爭取男女之間嘅平等。南北朝時期就有一位山陰公主曾經同自己身為皇帝嘅細佬劉子業訴苦「妾與陛下，男女雖殊，俱托體先帝。陛下六宮萬數，而妾惟駙馬一人，事太不均」。亦都係因為呢番說話，被認為係我國古代爭取女權嘅先驅，劉子業果斷賞賜三十美男。
貴婦養男寵，更多情況係出於寂寞，如果唔係寂寞難耐，又有邊個會重金寵愛情夫呢。
原圖嚟自網絡