繼續同史友們探究我國重大嘅考古消息，關於人類嘅起源一直以嚟都係各國考古以及歷史學家不斷研究、希望可以解開嘅謎題，咁到底我國又係幾時開始有人類活動呢？以下呢個最新嘅考古消息可能就畀到唔少啟示畀大家。
近日我國國家文物局就召開咗「考古中國」重大專案嘅發布會，會上其中一個公布嘅考古新發現就係位於湖北十堰學堂梁子遺址嘅一個古人類頭骨化石——鄖縣人3號頭骨。據了解，呢具化石早喺2022年5月18日就被發現，當時頭骨完整，顱型飽滿，眉弓明顯隆起，表面就帶有少量膠結物，但整體嚟講已經係歐亞內陸迄今發現同時代最為完整嘅直立人頭骨化石。
呢具化石根據研究以及化驗之後，就證實距今已經有100萬年，而呢個時間正正就係歐亞大陸古人類近200萬年演化歷程當中嘅關鍵環節，為研究人類喺東亞出現提供重要嘅化石證據。更重要嘅係，呢次發現實證中國呢片土地上其實早喺百萬年前就已經有人類活動！
原圖嚟自網絡