要喺沙漠地區生存本來就唔係一件容易嘅事，但如果阿史同大家講喺千幾年前就有人喺沙漠建立到一片莊園，唔知大家又點睇呢？
近日以色列古物管理局就公布喺當地尼格夫沙漠意外搵到一座具有1200年歷史嘅豪華莊園。本來呢個地方係因為進行市鎮擴大工程而進行挖掘，但點知喺兩座古老嘅清真寺之間就搵到呢個佔地廣闊嘅豪宅。據考古學家進一步研究，就推斷呢座建築應該係公元8至9世紀伊斯蘭早期嘅農莊地主居所，屋內有一個主庭院以及四個側廳，其中一個側廳仲繪有唔少精美嘅壁畫。
可能唔少史友都關心一個問題，就係要喺沙漠生存，最重要嘅水源問題又可以點樣解決？原來喺庭院當中就有一個深入岩石3公尺嘅深水池，全年都有冷水提供，並且鄰近仲有一個拱形結構嘅位置可以儲存食物以及畀居民自由移動。換言之，只有有足夠嘅財富，其實喺古代都可以喺沙漠當中享樂！
原圖嚟自網絡