今日係10月1日國慶嘅大日子，但喜慶嘅事又點止一件？我國嘅女籃日前就喺澳洲2022年女籃世界盃當中嘅八強賽事中以85:71嘅比數成功擊敗法國女籃，繼1994年之後再次闖入四強。呢次係我國女籃歷史上第三次晉身世界盃（前身是世錦賽）嘅四強，一旦打敗美國就能創造歷史，絕對值得大家支持。
喺我國女籃四強成功擊敗對手之後，唔少媒體都以「夢回28年前」嚟形容呢個感人嘅時刻，咁到底28年前發生過咩事呢？就係中國女籃喺1994年嘅世錦賽當中，先喺半決賽當中擊敗東道主澳洲隊，首度晉身決賽嘅情況下不敵巴西隊，但仍然取得歷史上最好嘅成績——世界盃嘅亞軍！
28年過去，當年女籃世界盃亞軍嘅成員鄭薇、王芳就已經成為我國女籃嘅主帥、副領隊，到底喺佢哋帶領之下，中國女籃又會點樣創造歷史呢？就等大家一齊為呢班中國女子籃球員打氣啦！
原圖嚟自網絡