繼續同史友們介紹我國最新嘅考古發現,要了解一個朝代嘅經濟體系以及其發展,最直接就係發掘到一個鑄幣廠遺址,但其實呢類咁有價值嘅遺址並唔容易保留到落嚟。之不過,我國嘅考古學家近日就喺兆倫鍾官鑄錢遺址有突破性嘅發現!
兆倫鍾官鑄錢遺址位於陜西省西安市西鹹新區,喺西漢時期呢個地區就係屬於上林苑。咁到底呢個遺址有咩重要價值呢?原來喺鑄幣歷史最鼎盛嘅漢武帝元鼎二年(前115年)至王莽末年(公元23年),呢個遺址係作為國家鑄幣中心持續連作超過一百年,並且仲經歷過中國歷史上漢武帝統一鑄幣權、王莽託古改制兩個重要嘅幣制改革階段,所以本身單係呢個遺址就已經極具考古以及歷史價值。
原圖嚟自網絡
評論:
共0 條評論