上次阿史介紹咗粉嶺有個地方叫烏鴉落陽，有史友就留言話「犀牛望月，烏鴉落陽」，唔講真係未必知，香港真係有個地方叫犀牛望月。
响上水梧桐河以北，有一列窄長嘅山崗橫列，有香港小長城之稱。而呢一連串山峰其中一個就叫犀牛望月。犀牛望月其實係一個古代概念之詞，响古代犀牛係吉祥之物，响唔少紋飾就用上犀牛望月紋，寓意吉祥升官之意。至於新界呢個山峰會叫做犀牛望月，其中一個講法就係同風水有關，即係呢個地方有風水中「犀牛望月」嘅好穴。
其實除咗香港，四川邛崍山、台灣基隆、浙江天台山等地都有犀牛望月，有啲係地方名，有啲係一舊奇石，所以呢個名就唔香港獨有。
原圖嚟自網絡