提到清朝著名嘅皇家園林，相信唔少史友必定會諗起「圓明園」。之不過，其實喺圓明園建成之後，乾隆皇帝就曾經叮嚀過後世子孫唔可以再建新嘅園林，原因係圓明園已經興建得好完美，無必要再勞民傷財。
時間過咗六年之後，乾隆皇帝又忽然決定興建一座頤和園，到底當中有咩原因呢？而佢又點解唔喺頤和園過夜呢？阿史今次就同大家講一講啦！其實喺圓明園擴建後，乾隆皇帝就已經喺《圓明園後記》當中表明自己以及子孫們都唔會再興建園林。但係由於圓明園以及暢春園、靜宜園等等嘅山水以及山景都係部分由人工造成，而且各自都有缺點，令到乾隆並唔太滿意，於是又產生興建園林嘅諗法。
去到乾隆十四年，由於西湖經常泛濫，乾隆就以修建西湖嘅名義對呢個地方展開擴建，及後又以慶祝母親大壽為由而將呢座後來改名「頤和園」嘅「清漪園」建成並當成禮物。一國之君唔信守諾言係好大件事，於是乾隆就諗到一個折衷方法，就係園林已經建蓋完成後，佢就選擇「過辰而往，逮午而返，未嘗度宵，猶初志也」，以呢種方式當自己冇違反諾言。
原圖嚟自網絡