繼續同史友們介紹一啲繼續睇清宮劇會遇到嘅謎題，就係點解明明劇中嘅一啲男性角色例如傅恒、海蘭察、魏清泰等，按呢啲搜查歷史上都真係有其人，但偏偏如果想了解多啲劇中后妃嘅資料，就通常都會發現係假名呢？阿史今次就同大家講一講啦！
近年嚟清朝宮鬥劇成為一大熱潮，相信史友們都必定會睇過《如懿傳》、《後宮甄環傳》、《延禧攻略》等等，但唔知史友們又有冇發現，其實以乾隆時代為背景描述輝發那拉氏之時，喺唔同劇集當中佢就有唔同嘅名，例如《如懿傳》當中佢就叫做「如懿」、《延禧攻略》當中就叫做「淑慎」、《後宮甄環傳》中就叫做「清櫻」，唔通佢一個人真係有咁多個名？
其實呢個謎題係同歷史上嘅資料有關，正正就係因為呢啲皇室女子嘅名早已無從考證，喺皇室族譜《愛新覺羅宗譜》、《滿文老檔》當中都冇記錄呢啲皇室女子嘅名字，慢慢失去本名就成為咗後妃入宮嘅傳統過程，而佢哋就只有提升等級先至會被賜名。於是，喺影視作品當中為咗可以對呢啲人物有個稱呼，就出現咗以上假名嘅情節喇！
原圖嚟自網絡