可能史友們都留意到,著名歌手、有「黃梅調歌后」嘅靜婷日前响睡夢中離世,享年88歲,好多老一輩香港樂迷都覺得好惋惜。
靜婷可以話係上世紀五六十年代其中一個炙手可熱嘅歌手,不過有趣嘅係佢走紅嘅原因係因為出色嘅代唱,即替他人唱歌。响1957年,靜婷就投身電影歌曲演唱,一代被佢代唱嘅影星就係于素秋,而响1959年,佢就成為電影《江山美人》女主角林黛嘅幕後代唱,仲成功開創咗黃梅調流行歌曲嘅潮流,聲名大噪嘅佢開始著响電影界同歌壇走紅。由於佢當時太受歡迎,邵氏電影為咗避免靜婷為其他電影公司做幕後代唱,於是同靜婷特別簽約,令靜婷成為邵氏電影主要嘅歌唱歌星,亦係當時邵氏唯一簽約固定御用嘅歌星。而當年靜婷酬勞仲勁過啲電影紅星,據講佢唱兩首歌就等於亞洲影后凌波一個月嘅薪金。而當時更有一個現象,就係邵氏女星會力邀靜婷做幕後代唱,因為只要靜婷肯代唱佢哋就一定可以做電影女主角。