尋日就係中國人民志願軍抗美赴朝作戰72周年,阿史就同史友們介紹咗一位喺戰場英雄歸來嘅人物蔣誠,但可惜戰爭總係殘酷的。到底喺呢場戰役當中,我國又有多少名戰士不幸犧牲呢?
其實關於呢個數字歷年嚟都好難進行一個明確嘅統計,除咗因為年代久遠、當年統計嘅資料唔完善之外,當年我國嘅戰士好多都係客死他鄉,屍體都未必搵得返,種種因素令到好多年嚟都冇一個明確數字。之不過,經過幾十年嘅努力,我國民政部、總政治部响2014年最終就得出一個明確數字!
連同戰爭中犧牲、失蹤志願軍戰士、支援前線民兵民工、停戰後留喺朝鮮幫助朝鮮人民生產建設時不幸犧牲嘅戰士等等,抗美援朝烈士共有197,653名。經過漫長嘅考證,終於都可以為呢班以血肉保護家國嘅英魂逐一作出最祟高嘅致敬。
原圖嚟自網絡