阿史早幾日去行油麻地果欄，見到好多好靚又抵食嘅當造水果，自然忍唔住手買咗啲返去。油麻地果欄由批發到做埋零售，都可以話係同市民生活進一步融合。
油麻地果欄位於窩打老道、石龍街及新填地街交界嘅地方，係香港著名嘅水果批發市場。果欄建於1913年，至今已有過百年歷史，原來這個地方與廣東省的東莞大有關連。因為油麻地果欄嘅前身油麻地果菜市場，早年欄商有八成係東莞人，來自東莞各個村鎮，當中就以石龍張氏同京山葉氏兩個家族最為著名。咁點解會有咁多東莞欄商呢？除咗同東莞盛產農產品外，另一個原因就係各東莞欄商响油麻地開業後，就不斷介紹鄉親來港開業，結果就出現呢個情況。亦因為咁，果欄附近嘅東莞街同石龍街，個名都係呢個原因而嚟。