喺唔少古裝劇當中,大家見到嘅太監都係清一色嘅中國人外貌,之不過其實喺歷史上,唔少太監竟然係由外國人擔當!到底當中有咩原因,阿史今次就同大家講一講啦!
太監當中存在外國人主要就係明清年間嘅事,要知道招募太監嘅方式不外乎都係民間徵召、戰俘以及外國進貢嘅人口。民間徵召嘅太監就以直隸區域嘅人口為主,特別係如果一啲同鄉嘅老太監衣錦還鄉,就會吸引到好多年輕人入行。
至於戰俘以及外國進貢嘅人口嚟講,就視乎戰爭發生嘅地方以及同朝廷結交嘅國家,歷史上就有高麗、安南等地嘅外國人成為太監,著名嘅就有嚟自安南嘅明朝司禮監太監金英以及高麗進貢而嚟嘅朴不花,雖然佢哋都係外國人嘅身份,但喺佢哋做太監期間都能夠官途順暢無阻,都算係另類嘅「平等」。
原圖嚟自網絡