寮屋就係指非法佔用政府土地而建成嘅住屋，因為係非法搭建所以大多數都係相對簡陋。响上世紀四五十年代，從內地嚟香港生活嘅人大幅增加，市區住屋需求急增，很多貧苦人家只能夠响山邊搭間寮屋居住，就係咁寮屋就遍佈港九。而响當年香港島嘅寮屋區，就有大坑、銅鑼灣與北角山腳、筲箕灣山腳、香港仔、鴨脷洲、赤柱等地。特別嘅係，呢啲地方都係靠近避風塘，咁係因為唔少本來係漁民嘅人上岸生活而住响寮屋。至於筲箕灣山腳一帶，就係昔日港島東寮屋最多嘅地方，而呢個地方就係靠近筲箕灣避風塘一帶，寮屋區就包括咗有馬山村、聖十字徑村、成安村、橫坑東村、橫坑西村、澳貝龍村、澳貝龍山頂村、南安坊村、富斗窟村、教民村等，睇相就知有幾密集。後嚟到咗上世紀八十年代，政府陸續清拆全港寮屋區，筲箕灣一帶寮屋區就變成依家耀東邨同興東邨。

原圖嚟自網絡