恐龍嘅化石以往喺博物館就睇過唔少，對研究古代生物演化而言，恐龍化石係相當重要嘅遺產，但假如呢種珍貴嘅人類遺產變成拍賣品呢？
近日喺新加坡就有名為「尚神」嘅暴龍化石作出預展，吸引大量嘅民眾參觀。呢具暴龍化石係所有恐龍名聲當中最響，作為地球自然史上最攝人嘅巨型捕獵者之一，能夠完整保存落嚟嘅化石真係少之又少，幾乎所有暴龍化石遺骸都由北美及歐洲嘅自然歷史博物館收藏，所以當呢種珍貴化石成為拍賣品之時，自然就係有價有市。
暴龍化石「尚神」將會喺下個月由佳士得喺香港會議展覽中心主持拍賣，暫時估價已經達到2億港元，相信真係會創下拍賣史上嘅里程碑。對於呢個消息，唔少專家都直言呢種舉動係損害科學，並且將恐龍化石變成富豪收藏玩物，唔知史友們又點睇呢？
原圖嚟自網絡