近日內地社交媒體上就有唔少關於電影《萬里歸途》嘅片段爆紅,而呢部火熱嘅、以撤僑事件為題材嘅電影亦都會喺遲兩日嚟到香港上映。到底呢部電影系講啲乜?阿史今次就同大家講一講啦!
《萬里歸途》以非洲某國發生戰亂為背景,中國前駐地外交官宗大偉(張譯飾)與外交部新人成朗(王俊凱飾)就受命前往協助撤僑,期間就發生唔少危機,但最終都喺叛軍槍口下成功撤離同胞。雖然就咁睇個故事大家都可能覺得有些少戲劇性,但原來成部電影都系改編自真人真事架!
《萬里歸途》被讚揚「拍得真實」,除咗係因為近千工作人員以四個月時間搭出七十幾座建築嘅非洲小城外,仲係因為故事本身都係改編自真人真事,以2011年利比亞大規模撤僑事件改編而成,當年呢次撤僑行動以12日時間成功撤離中國駐利比亞人員35860人,創下多項「第一」,所以就連曾經參與過撤僑行動嘅前外交官宗宇睇完之後都話覺得好感動。