記得好耐之前睇電視嗰陣，有一個廣告就係一個老闆廚師响廣告中推介自己店嘅椒鹽瀬尿蝦同辣酒煮花螺，最後個句對白就係「大佛口食坊，營業到天光」。細個嗰陣都唔係好明，大佛口到底係邊度？
大佛口其實係位於灣仔同金鐘交界、金鐘道同皇后大道東嘅岔路口一帶。不過大佛口呢個地方並唔係一個官方認可嘅地名，只係街坊們對呢個地方嘅俗稱，久而久之就成為咗香港人對呢個地方嘅稱呼。至於點解會叫大佛口呢？並唔係因為個一帶有佛寺，而係响二戰前呢個地方有一間日本嘅出入口公司「大佛洋行」Daibutsu，後嚟二天堂中藥堂又响呢個地方開業，店嘅外牆有一個佛像商標，就係呢兩個原因，令呢個地方被稱為大佛口，而口就有街口嘅意思。以往小巴經過呢個地方，都會有乘客叫大佛口有落，同太丸有落嘅情況差唔多。不過今時今日嘅年輕人，都應該唔係好知灣仔有大佛口呢個地方。
原圖嚟自網絡