繼續同史友們介紹我國最新的考古發現，近日山西省考古研究院就公佈咗一項最新考古成果，並且表示呢次嘅發現可以為晉文化研究添上新證。到底係咩考現咁犀利？阿史今次就同大家講一講啦！
早喺2021年，考古團隊就已經聯同運城市、聞喜縣文物部門掌握到位於上郭城址北城牆以北70米範圍內有8座墓葬，而其中2座就相當特別，係屬於豎穴土坑墓。喺墓穴當中，就分別有一男一女嘅棺槨，男性嘅墓穴就有36件隨葬品，而女性嘅就有10件，種類都係以青銅器、陶器、玉器等為主。
可能就咁睇史友們都會以為呢兩個墓穴冇乜關係，但其實佢哋係屬於「夫婦異穴合葬墓」，加埋另外幾座墓穴，考古團隊基本就可以證實到運城市聞喜縣上郭城址、邱家莊墓群係兩周時期大型聚落遺址，亦都係晉國歷史上佔有重要地位嘅「古曲沃」核心區域，為研究晉文化提供重大嘅新證！
原圖嚟自網絡