早前公布嘅全球首批地質遺產名錄當中，我國就一共有七個地質遺產地入選其中，介紹完西貢火山岩園區早白堊世流紋質火山岩柱群以及珠峰奧陶紀岩石之後，阿史今次就同大家介紹埋雲南澄江寒武紀化石產地啦！
澄江寒武紀化石產地位於我國雲南澄江帽天山附近，一直都係以保存極其完整嘅寒武紀早期古生物化石而聞名。澄江寒武紀化石產地係喺1984年被發現，目前就已經發現化石共涵蓋16個門類、200餘個物種化石。
喺5億年前，呢個化石地係赤道附近嘅一片大海，由於環境合適所以有唔少古老生物都喺呢度誕生。喺呢度仲可以搵到5.3億年前海洋生命壯麗景觀以及生物嘅原始特徵，為研究地球早期生命起源、演化、生態等理論提供咗相當重要嘅證據。
原圖嚟自網絡