「雷神之槌」相信唔少史友都喺電影當中見過,電影中嘅雷神之鎚雖然唔算好龐大,但就只有被選中、心地善良嘅人先至可以拎得起。但現實中嘅「雷神之槌」又係點樣呢?呢次瑞典嘅考古研究就值得同大家分享下!
近日瑞典就喺西南部伊斯比(Ysby)挖掘到有千年歷史嘅「雷神之槌」吊飾,根據考古學家推斷,發掘地點嘅歷史就可以追溯到11世紀嘅維京時代末期,而「雷神之槌」吊飾表面唔單止有複雜嘅浮雕設計,而且仲可能鍍上咗金或銀。唔單止咁,喺「雷神之槌」握柄部分仲設有一個孔,反映住呢件飾物本身就係佩戴喺頸上嘅掛鍊。
考古學家就推斷,呢種吊飾喺當時嚟講好有可能係護身符,係維京時代末期該地區宗教過渡期間佩戴,當時當地嘅人係信仰北歐神話,所以先有呢種吊飾出現,真係一次有趣嘅發現!
原圖嚟自網絡