近日我國嘅考古發現真係接連不斷，喺連雲港市一帶近日考古團隊就發現到一個漢代大型封土墓葬群，對研究蘇北魯南地區漢代墓葬有重大嘅幫助。到底當中有咩珍貴發現？阿史今次就同大家講一講啦！
早喺今年2月起，連雲港市文物保護考古研究所就聯同江蘇省考古團隊就對海州區一處磚廠舊址進行考古挖掘。喺歷時七個月嘅時間內，考古團隊就發挖咗3,600平方米嘅土地，並且出土咗合共105座墓葬，當中就有92座西漢時期墓葬、7座唐宋時期墓葬及6座清代墓葬，當中更加發現唔少玉劍璏、23厘米長西漢木尺、木梳、石印章等珍貴文物。
呢次發現唔單止可以幫助研究當地西漢時期歷史文化面貌、社會經濟發展水平以及喪葬習俗，甚至仲可以幫助學界了解蘇北魯南地區漢代墓葬，真係一次重大嘅發現。
原圖嚟自網絡