繼續同史友們介紹我國最新嘅考古發現，位於山東省嘅諸城市一直都有「中國龍城」之稱，以往就有超過30過恐龍化石嘅埋藏點都係喺呢個地方被發現，而近日考古團隊就有一樣「另類」嘅發現，阿史今次就同大家講一講啦！
近日國內權威刊物《地質論評》就有公布，山東省諸城市恐龍文化研究中心嘅人員就喺一堆恐龍足跡嘅化石群當中，搵到一批具有1.2億年歷史嘅白堊紀龜類足迹化石，喺國內嚟講係相當之罕見嘅發現。
呢次搵到嘅化石就係位於皇龍溝恐龍足跡群當中，喺密集嘅恐龍腳印化石當中，竟然有20幾個龜類足迹，呢啲足跡長度就喺2至5厘米之間，甚至仲有一個長達12厘米、寬11厘米咁大，所以就被考古團隊命名為「完整諸城足跡」，真係誇張！
原圖嚟自網絡