中環嘅擺花街可以話係嗰區其中一條知名度極高嘅街道,因為呢條街已經有超過一百五十年嘅歷史,而且仲係香港其中一條歷史最悠久嘅街道。不過史友們知唔知,擺花街呢條街名係同一個行業有關呢?呢個行業就係賣淫業。
其實以前擺花街有另一個名,叫做紅毛嬌。紅毛嬌就係指响香港謀生嘅外國妓女。百幾年前,响英國管治香港島後,就有一批歐洲嚟嘅妓女嚟香港搵食,而佢哋做生意地點就係呢個依家擺花街一帶。由於响華人眼中外國人都係紅鬍綠眼,所以啲華人就叫呢個地方做紅毛嬌。有趣嘅係,响外國人嫖客响嫖妓後會有送花嘅習慣,所以呢一帶就出現咗好多花檔,慢慢啲人就叫呢度做擺花街,仲做埋正式地名添。
原圖嚟自網絡