早喺兩年前考古團隊就已經喺亞力山卓30公里塔波希利斯馬格納神廟遺址區搵到古羅馬政治家兼軍事家安東尼(Mark Antony)與埃及艷后嘅秘完合葬墓穴,而近日關於呢個墓穴又有一啲重大發現喇!
提到埃及妖后,大家都知道佢係公元前51年至公元前30年統治托勒密王朝嘅重要人物,而佢就喺39歲之時同佢嘅情人、古羅馬將軍馬克安東尼一起自殺。關於佢嘅遺體一直以嚟都有唔少傳說,直至近年先至慢慢有考古發現解開疑問。
近日考古學家就係神廟下方發現到一條喺岩石層開鑿嘅隧道,呢條隧道長約1.4公里,高度約1.8米,位置就喺神廟下方13米。雖然神廟嘅地基已經因為多次地震而受損,而隧道亦都沉降去到地中海之下,但考古團隊仍然可以喺沉積物當中搵到多件陶器。對於呢條通往埃及最後一位法老王「埃及妖后」克萊奧帕特拉墓穴嘅隧道,考古團隊就形容係「幾何學的奇跡」,亦係本世紀最重要嘅考古發現!
原圖嚟自網絡