早排阿史就同史友們講到台北故宮博物院就被傳出摔破龍紋碗、乾隆青花瓷等3件國寶，單單係市價就已經超過6億港元。隨住事件繼續發酵，愈來愈多關於台北故宮博物院嘅醜聞亦都被爆出。
近日故宮院長吳密察就表示院內瓷器類文物由1973年至今，原來有359件修復過嘅紀錄，其中更加有250件係被摔成碎片，文物被破壞嘅程度真係相當誇張。而為咗可以進一步向公眾交代，相關嘅調查仲需要進一步比對同埋追溯。
面對住咁龐大數字嘅文物被摔成碎片，唔少專家學者都怒轟故宮現行嘅機制以及設備有嚴重問題，唔單止反映人員喺作業過程中疏忽，更重要嘅係對文物缺乏敬畏，唔知史友們又點睇呢？
原圖嚟自網絡