繼續同史友們介紹世界各地一啲新奇嘅考古發現，世界各地嘅考古學家一直都為發掘最早期嘅文字而努力，因為只有咁樣先可以解讀到歷史文化以及知識嘅傳承。而近日，以色列就有一項關於最古老文字嘅發現，阿史今次就同大家講一講啦！
早喺幾年前，考古團隊就喺以色列中部猶大王國時期古城萊基遺址出土一把象牙梳，而喺去年年底專家先至發現到象牙梳表面刻有一層文字。經過長時間研究同分析，專家就確認呢啲字係有3800年歷史嘅迦南字母。
咁呢啲有3800年歷史嘅字母又有咩意思呢?專家就表示梳上嘅17個字母組成咗7個詞語，完整意思就係「願這塊象牙去除頭髮和鬍鬚上的蝨」，真係岩晒意境。而呢次咁微細嘅發現，其實就係首次搵到有由迦南字母寫成嘅完整句子，同時亦都係迄今發現人類用字母系統文字所寫最古老嘅完整句子紀錄，真係一次相當重大嘅考古發現！
原圖嚟自網絡