最近好似有消息話稍後煙仔可能又加重稅，零售價加倍，目的就係令下一代無煙民存在。响香港公共衛生而言呢個建議可能係可取，但响經濟同民生角度就可能要有多啲考量。
今時今日史友們可能好難見到香煙廣告，但响以前香港，煙草業絕對係一個重要行業，而且以前仲有唔少煙廠响香港經營。旺角有一條街叫煙廠街，昔日真係有一間煙廠存在，呢間廠叫「東方煙廠」，於1908年出現，由一位菲律賓人建立，獨家代理來自菲律賓香煙同煙絲再轉口到內地及東南亞各地，成為旺角二戰前其中一個大工廠。不過，响1941年日本攻佔香港，煙廠就荒廢咗同關閉。
東方煙廠附近嘅街因為煙廠關係被稱為煙廠街，其實附近有條東方街，都係因為呢間煙廠個名而嚟。
原圖嚟自網絡