繼續同史友們講下我國各地嘅一啲有趣民間習俗，關中八大怪相信唔少史友都會聽過，當中除咗「板凳不坐蹲起來」、「秦腔不唱吼起來」呢啲生動有趣嘅行為之外，其中仲有一項影響當地女子好多年嘅習俗，就係「姑娘不對外」。到底當中有咩原因會令到陝西女兒不外嫁？阿史今次就同大家講一講啦！
要解答呢個疑問，就要由歷史上嘅陝西開始講起。其實早喺秦漢時期，陝西係被稱作關中之地，號稱係「關中自古帝王州」。喺千幾年嘅歷史當中，就有十三個王朝都喺呢度建都，可見呢個地方既可以自給自足，地理位置上都係相當優越。亦都係因為古代嘅陝西係我國一等一嘅經濟政治中心，唔少官宦人家都喺呢度定居，關中亦都有唔少好男子，所以呢啲女子即使到咗婚嫁年齡，佢哋都唔願意外嫁，當地郎先係最搶手。
而另一個原因就係，關中地區風調雨順，物產豐富，唔講其他地方嘅男子好唔妹，單單係「三年一小災，十年一大災」嘅情況就已經令到關中女子唔願意去到他鄉。所以陝西女兒唔單止唔外嫁，好多時候仲係非關中男子不嫁！
原圖嚟自網絡