繼續同史友們介紹我國最新嘅考古發現，近日山西省考古研究院嘅考古人員就喺絳縣喬野寨遺址發現到一個距今5000幾年歷史嘅文化遺址，當中嘅遺址仲係橫跨多個考古學文化，阿史今次就同大家講一講啦！
喺位於絳縣古絳鎮喬野寨村周邊喬野寨遺址，考古團隊通過發掘就喺當中搵到多個唔同時期嘅文化遺存，例如遺址北部就係廟底溝二期文化遺存，出土咗陶器以及少量石器；至於龍山時期文化遺存就係位於遺址嘅南部，遺物同樣都係以陶器為主；而喺遺址北部坡地東側雖然冇相關遺跡發現，但就有唔少商代嘅陶片。
喺一個單一嘅遺址發現到多個時期嘅考古學文化遺存係相當難得嘅一件事，特別喺晉南地區就極為罕見，咁亦都表明呢個遺址規格相當高，曾經仲存在過卜骨等祭祀行為，相信以往更加係一個聚落嘅中心。
原圖嚟自網絡