以往都同史友們講過，滿族喺入關之前都係一個馬上嘅民族，為免喺狩獵之時發生意外，所以滿族嘅男子都會剃走前額嘅頭髮，只剩低一條辮子。咁到底喺古代衛生水平低嘅情況下，呢條「金錢鼠尾辮」可以有幾污糟呢？
要知道清朝男子留咗呢種辮子之後，如果需要打理清洗，都係要慢慢將頭髮拆開先得，並且要等頭髮乾咗先至可以重新編織，所以並唔係人人都有時間去打理髮辮。底層嘅清朝男子冬天基本上都唔會沖涼，而喺夏天亦都只係會簡單清洗，所以時間一長，佢哋嘅頭髮都會充滿污垢、虱以及平日嘅汗水風乾之後嘅污漬。如果用篦子慢慢清理，唔單止可以刮出虱子，仲會有帶有腐爛酸臭味嘅灰泥，真係相當誇張。
由於清朝男人嘅辮子就係咁污糟，所以以前喺街頭上都會有「剃頭擔子」，專門幫一啲平民打理頭髮，真係估佢唔到！
原圖嚟自網絡