喺唔少古裝劇當中,可能史友們都曾經聽過有個封號叫做「一字並肩王」。就咁聽呢個名可能唔少史友都覺得冇乜可能,因為喺古代皇家嘅禮制係相當嚴格,特別係君臣之間嘅關係唔可能容許大臣同皇上並肩而行,咁到底呢個封號又係咪真呢?阿史今次就同大家講一講啦!
「一字並肩王」顧名思義就係大臣能夠同皇帝並肩而行,亦即係大臣嘅地位僅次於皇帝。咁「一字」又係點解呢?原來「一字」嘅王同埋「二字」嘅王地位上係有好大分別,王爵前冠以古代國家名稱就係所謂嘅「一字並肩王」。早喺春秋戰國就有「秦、晉、齊、楚」呢啲大國嘅單字國名,而後次一等嘅就有「魯、趙、韓、宋」,如果去到二字就係「長沙」、「成都」等等。
所以如果一個封號只有一字,亦都反映果個人物嘅地位比較高,亦都係屬於王爵最高一種。雖然話就話「一字並肩」,但如果真係敢照做,相信嗰位王命仔都幾難保。
原圖嚟自網絡