繼續同史友們介紹我國最新嘅考古發現，江口明末戰場遺址相信唔少史友都必定知道呢個遺址正正就係傳說中「張獻忠寶藏」嘅發現地。雖然呢個地方以往就曾經多次出土明代銀錠以及其他各類文物數萬件，但呢個數量同歷史上嘅「張獻忠寶藏」仲有一定差距。而近日，呢個咁傳奇嘅遺址又有新發現喇！
近日四川省文物考古研究院就表示，喺呢個位於眉山市彭山區嘅江口明末戰場遺址進行發掘時，就有新嘅發現。呢次發掘唔單止搵到以張獻忠大西政權稅銀為主嘅官銀，同時仲搵到「榮世子寶」金印、「永昌督理之印」銀印以及「欽賜崇德書院」銅印等珍貴文物，真係金、銀、銅印都齊晒。
目前為止，考古團隊就已經喺江口明末戰場遺址搶救性考古發掘面積1000平方米並且出土過萬件文物，相信喺呢一系列工序都完成後，江口沉銀博物館可以喺2023年年底建成開館，阿史真係相當期待。
原圖嚟自網絡