有睇開古裝劇嘅史友應該都知道，每逢劊子手行刑斬頭之前，都會有個標誌性嘅動作，就係喺刀上噴上一口酒。咁到底呢個舉動係虛構定係真實？當中又有咩原因要咁做？阿史今次就同大家講一講啦！
提到呢個舉動，其實後世學者對此都有唔同嘅解釋。要知道古代嘅劊子手並唔係話想做就可以做，係要經過長年嘅訓練先至可以出師。之不過，雖然話就話經過訓練，但劊子手嘅任務始終都係殺人，好難話訓練完就會習慣。所以喺行刑之前飲上一大口酒，其實其中一個目的係為自己壯膽，藉此放鬆緊張嘅情緒。
除此之外，其實古人對於劊子手呢份職業多多少少都帶有迷信嘅思想，所以飲上一大口酒再向刀上噴酒，其實都係一個簡化版嘅祭刀儀式，藉此希望令到自己把刀少啲怨氣，免得有冤魂纏身，唔知史友們又點睇呢？
原圖嚟自網絡