中國嘅著名國際友人路易‧艾黎，一生有三分二時間响中國生活，大半生為中國呢個國家努力，所作出貢獻良多，新中國成立前佢就為中國共產黨地下工作以及支援抗日做咗唔少嘢，新中國成立後佢又點呢？其中一樣最為熟悉就係佢向全世界說好中國故事。
新中國成立之後，艾黎筆耕不輟，將對中國嘅熱愛同理解傾注筆端。佢一生寫咗超過70部作品，包括著名嘅《六個美國人在中國》，介紹咗史沫特萊、斯特朗、斯諾、卡爾遜、史迪威同馬海德等六位外國人對中國嘅貢獻。仲有寫咗《人民有力量》、《山丹》、《中國的故事》等，致力於增進世界對中國嘅了解，說好中國故事。
除咗用枝筆將自己响中國所見所聞同感受寫成著作外，佢仲對中國古典文學好有興趣，仲翻譯咗大量中國古詩，作品就有《唐宋詩選》《李白詩歌200首》《白居易詩選200首》等，可以話係將中華文化以另一種方式宣揚到世界各地。
原圖：fukuoka.china-consulate.gov.cn