喺唔少影視作品同打仗有關嘅劇情當中,每逢兩軍交鋒雖然都會有弓箭手列陣,但一旦前排嘅士兵手持盾牌又或者身穿厚重嘅鎧甲,呢啲弓箭手射出嘅箭矢近乎就傷害唔到呢啲士兵,咁到底古代弓箭係咪真係射唔穿盾牌?明知係咁點解又要繼續用弓箭呢?阿史今次就同大家講一講啦!
首先,喺古代嚟講弓箭真係一項殺傷力好大嘅武器,但要射得穿盾牌嘅情況真係少之又少。雖然現實就係咁樣,但並唔代表弓箭喺戰場之上毫無作用,正正就係因為士兵都怕畀弓箭射中而死於破傷風,喺呢種恐懼之下就逼使敵方必須浪費體力穿上防禦護甲或手持盾牌,喺進攻嘅速度以及靈活性就大大被削弱。
而且,弓箭唔單止可以射人,仲可以射傷馬匹,面對敵方突進嘅兵種,弓箭係可以發揮好大嘅牽制能力。換言之,弓箭喺戰場上嘅作用,係用於震撼多過真係射殺敵方。
原圖嚟自網絡