尋日就同史友們介紹咗長江口二號古船喺我國各部門77日嘅共同努力之下,終於都破晒紀錄咁成功出水。之不過,要打撈呢艘目前國內乃至世界上發現體量最大、保存最為完整嘅木質沉船並唔係咁容易,係需要有極高嘅科技配合先至可以做到。
對於水下考古而言,其實渾水環境一直都係呢個領域當中極難跨越嘅樽頸,但為咗呢次嘅考古工作,上海市文物局組織國家文物局考古研究中心、上海市文物保護研究中心、上海大學、國家水下文化遺產保護寧波基地等機構嘅考古工作者與科技工作者開展跨界合作,自主研發咗一套「渾水水域水下成像裝置」。呢套發明唔單止獲得上海市科學技術獎二等獎,結合埋綜合運用無人艇、多波束聲吶、側掃聲吶、淺地層剖面儀等設計,對長江口水域開展水下調查起到極大嘅作用。
而今次嘅打撈工作另一個犀利之處係在於,裝載着古船嘅弧形樑沉箱成個過程都係由一艘船完成提升、運輸、卸載三項任務,並且古船可以完好無缺,真係令世人驚嘆!
原圖嚟自網絡