上次介紹隋文帝出兵高句麗個陣，就提及過煬帝三征高麗呢個講法係有啲偏差，個偏差位就係對高麗嘅理解。
响東漢末年，扶餘人朱蒙始建國名高句麗，因以高為姓。高句麗响好一段時間控制咗今日朝鮮半島大部同中國東北嘅南部地區，成為朝鮮半島實力最強嘅國家。响隋唐時期，高句麗不斷與隋唐王朝交戰，但後嚟國力陷落，最終响668年被唐同新羅聯軍所滅。
明明係高句麗，又點解會都稱為高麗呢？咁係因為响中國史籍上都將「高句麗」簡稱為「高麗」。不過，到咗公元918年，後高句麗弓裔部將王建統一朝鮮半島，建立咗高麗國，高麗國號取自高句麗嘅簡稱，高麗成宗時期大臣徐熙就明確表示：「我國即高勾麗之舊也，故號高麗。」所以，高句麗同高麗，其實係有唔同嘅。
原圖嚟自網絡