喺唔少同盜墓有關嘅影視作品當中,每逢見到主角團進入古墓當中,都自然有燈光亮起。呢啲情景其實並唔係因為劇情需要而出現,其實歷史上古墓嘅長明燈都真係有機會咁樣亮起,阿史今次就同大家講一講啦!
如果要介紹呢種長明燈,就確實要由考古發掘講起。喺司馬遷《史記》當中就有提到,秦始皇嘅地宮長明燈就係「以人魚膏為燭,度不滅者久之」,當中嘅人魚就有指係鯨魚脂肪。
當然,以上嘅記載都仲未有考古發掘支持,而喺1956年明朝萬曆定陵嘅陵墓當中,其實就有已經熄滅咗嘅長明燈被發現。當時明朝定陵地宮就有三個青花瓷大水缸,其實缸內儲存油質燃料,仲有一根燈芯,直頭就係巨型版嘅長明燈。之不過當中嘅油質燃料並唔係咩人魚膏,反而就係芝麻油。
其實,要做到「千年不滅」根本就唔可能,但呢啲油質燃料就被古人加入白磷,當地宮嘅氧氣都被燃燒盡之後,墓室無氧狀態就可以減緩皇帝屍體腐化;而當墓室再次有空氣之時,燃點低嘅白磷就會令到燈芯燃燒,所以就有「千年不滅」嘅講法出現喇!
原圖嚟自網絡