對古代嘅平民而言，唯一令到佢哋有機會改寫人生嘅機會就係「高中」。之不過，如果要做官嘅話，唔一定要高中狀元、榜眼、探花又或者進士，其實做到舉人嘅話都有機會改寫命運，阿史今次就同大家講一講啦！
要知道科舉考試正正就係平民百姓做官嘅唯一機會，但正正因為所有平民百姓都等緊呢個機會，由自小學習嘅幼童再去到垂垂老矣嘅老人都不停挑戰科舉，人數眾多嘅情況下就令到「高中」嘅機會難上加難。於是喺清朝制度當中，為咗令到更多出色嘅人有機會做官，就連通過三科會試但未中進士嘅舉人，都有機會被挑選授任知縣。
喺古代科舉制度當中，「中舉」嘅機會率大概就喺千份之一，所以做到舉人都已經係相當出色，但「被挑選授任知縣」同樣都係講求應對能力以及外型。吏部會根據「同田貫日氣甲由申」嘅準則將舉人分為3個等級「同、田、貫」為一等，「日」為二等，至於其他四種就一律淘汰，所以有部份嘅舉人可能終身都未得到補官，一切都同外型有關，靚仔真係有著數！
原圖嚟自網絡