繼續同史友們介紹一啲中國古代特殊嘅官職，尋日就同史友們介紹咗「朝天女戶」，今日就同大家講一講同樣都係嚟自明代嘅特殊官職，唔少史友都相當熟悉嘅錦衣衛。
要知道歷朝歷代嘅皇帝都會想方設法去穩定自己嘅皇權，所以即使係皇親國戚、朝廷官員都好，只要一有謀反嘅心，皇帝都唔會放過佢哋。喺明朝，就特意設立咗一個名為「錦衣衛」嘅機構，佢哋嘅權力極大，唔單止可以主要拘捕朝廷官員，甚至連皇親國戚都唔例外。咁到底呢個特殊嘅機構權力有幾大呢？
前身係朱元璋衛隊嘅錦衣衛，實質就係一個特務機構，以往就係暗中保護皇帝嘅安全，但喺守為錦衣衛之後，佢哋嘅工作就係偵測情報，喺大臣退朝之後嘅一舉一動都會匯報畀皇帝知道。而只要係由皇帝欽定嘅案件，佢哋甚至仲可以自行審訊、直接判刑。就係因為有咁大嘅權力，所以唔少文武百官都聞風喪膽，而錦衣衛自身亦都做咗唔少違法、逾規越矩嘅事。
原圖嚟自網絡