相信唔少史友都仲記得，喺月頭嘅時候94版《三國演義》中關羽扮演者陸樹銘就因為心梗突然病逝，而不幸地喺今日亦都有消息公布，94年版《三國》「張飛」扮演者李靖飛亦都因病去世，如今桃園結義三兄弟僅剩「劉備」孫彥軍。
李靖飛1957年10月出生喺河北省，因為出演94版《三國演義》張飛一角而為人所熟悉，劇中嘅「三兄弟」其後亦都曾經喺《孫武》、《香山奇緣》中再次合作出演，成為一時佳話。而喺2019年央視錄製「《三國演義》25週年聚首」特別節目，桃園結義三兄弟「劉備」孫彥軍、「關羽」陸樹銘以及「張飛」李靖飛亦係最後一次聚首一堂。
據了解，近年李靖飛身體狀況已經麻麻，而得知陸樹銘死訊後，佢亦都相當悲痛，就好似《三國演義》當中關羽走後，張飛亦去。再見喇，我哋嘅集體回憶！
原圖嚟自網絡