最近公司同事買炸雞食,點知同事話啲雞比以前差咗好多,成個餐唯一好食係個葡撻。當炸雞店最好食嘅唔係炸雞而係葡撻,都真係相當奇怪。
相信史友們都應該食過葡撻,呢款响澳門作為特色小食嘅甜點好多人食過都讚好。不過史友們又知唔知,嚴格上嚟講澳門依家賣嘅葡撻同葡萄牙有無關呢?澳門葡撻嘅原型其實係貝倫蛋塔,但兩者响口感同味道都唔一樣。而依家大家認知嘅葡撻,其實係一個叫安德魯·史斗嘅英國人响澳門創造出嚟。佢以英式奶黃餡創造咗類似貝倫蛋塔嘅甜點,甚至連名都係以英國人食慣嘅tart嚟命名,就係今時今日嘅葡撻喇!至於澳門依家有分安德魯葡撻同瑪嘉烈葡撻,咁係因為安德魯同瑪嘉烈本來係一對夫妻,但後嚟離婚後就各自有各自嘅餅店,而炸雞店嘅葡撻就係同瑪嘉烈合作嘅產物。
原圖嚟自網絡