喺提到古代後宮當中服侍皇族嘅一個悲慘群體，好多時間我哋都會簡單咁稱佢哋為太監，之不過其實雖然宦官同太監生理上嚟講都係被閹割，但兩者嘅地位同埋前途都係有好大分別，阿史今次就同大家講一講啦！
對於呢個後宮當中最低下嘅群體，其實佢哋兒時大多數都係因為家貧被逼閹割入宮成為太監，喺咁嘅背景之下就大多數人都唔會識字，自然就只可以從事最低下嘅工作。至於識字嘅少數人，就會有截然不同嘅命運，最初負責服侍宮中嘅一群人其實係叫做「宦官」，而專門侍奉皇帝及其家族嘅人就係太監。
早喺唐宋時期年間就已經有太監嘅官職，而佢哋唔一定係閹人。而喺明朝時期宮廷內設「十二監二十四衙門」，最大嘅四品官位稱為「掌印太監」，而其他官職多數都係由識字嘅人嚟擔任，所以「太監」亦都喺呢個時候先係成為高級宦官嘅代名詞，去到清朝年間就成為所有宦官嘅一個統稱。
原圖嚟自網絡