成日都話現代人嘅夜生活精彩豐富,食宵夜、唱歌睇足球都不在話下,之不過其實宋朝人嘅夜生活都有唔少有趣嘅地方,阿史今次就同大家講一講啦!
宋朝早年其實係存在過宵禁令,老百姓喺宵禁令生效期間基本上都冇乜夜生活可言。但隨住宋朝嘅治安改善宵禁令取消、商業急速發展令到原本嘅「坊市制度」亦都被打破,居住區同商業區慢慢開始融合。呢兩者情況同時出現之下,就令到夜生活興起喇!
講到宋朝人夜生活,最基本就一定係宵夜,酒館食店唔少都會開到天光。喺飲飽食足之後,大家自然就想有更多視覺感觀嘅刺激。戲劇、雜技喺晚上亦都會有多場演出,此外宋朝仲興起名為「女颭」嘅女子相撲,甚至連皇帝都有興趣睇。而假如唔鍾意睇相撲,每晚仲會有蹴鞠表演同埋比賽,聽落都覺得精彩。
原圖嚟自網絡