繼續同史友們介紹古代嘅一啲意想不到嘅趣聞，唐朝以胖為美，而楊貴妃就係當時數一數二嘅美人，咁到底呢位唐代傳奇美女真實體重係幾多呢？阿史今次就同史友們介紹下啦！
楊貴妃本名楊玉環，本來佢係唐玄宗第十八子壽王李瑁嘅王妃，後來出家為道姑後再轉輾成為唐玄宗妃嬪。相傳佢嘅美貌係足以成為中國古代四大美人之一，仲堪稱「羞花」。咁到底呢位「回眸一笑百媚生，六宮粉黛無顏色」嘅傳奇美人肥唔肥呢？
雖然話唐朝時期都係以「胖」為美，但呢個「胖」同現代人嘅「胖」係有啲出入。今時今日大家理解嘅「胖」係肥胖，而喺唐朝嘅「胖」只係解做豐腴。史學家對呢個觀點進行分析，最終就發現楊貴妃身高約165公分，體重就只係得60公斤，如果按返比例嚟講，只可以算係「微胖」，真係估佢唔到！
原圖嚟自網絡