喺周二摩洛哥拉巴特召開嘅聯合國教科文組織保護非物質文化遺產政府間委員會第十七屆常會上，就有一樣振奮人心嘅消息公布，就係我國早前申報嘅「中國傳統製茶技藝及其相關習俗」就正式通過審批，列入聯合國教科文組織人類非物質文化遺產代表作名錄。直到目前為止，我國就已經有43個項目列入聯合國教科文組織非物質文化遺產名錄，位列世界第一。
今次申報嘅「中國傳統製茶技藝及其相關習俗」係包含茶園管理、茶葉採摘、以及茶嘅手工製作、飲用同埋相關知識。要知道自古以嚟，茶已經被中國人飲用同品嘗，根據唔同地方嘅風俗，茶更加發展出獨得嘅殺青、悶黃、渥堆、萎凋、做青、發酵、窨制等技藝，亦都有綠茶、黃茶、黑茶、白茶、烏龍茶、紅茶六大茶類共2000幾種茶品，真係誇張！
而今次提到嘅「中國傳統製茶技藝及其相關習俗」就係集中喺秦嶺淮河以南、青藏高原以東江南、江北、西南和華南四大茶區，為多民族所共享。
原圖嚟自網絡