最近香港天王巨星譚詠麟响內地文化綜藝節目《詩畫中國》亮相,仲根據蘇軾所畫嘅《瀟湘竹石圖》,配上歌詞獻唱,獲得網友讚賞,仲被內地網民誇讚佢係當代蘇東坡添。
譚校長係咪當代蘇東坡阿史就唔討論喇!不過蘇軾所畫嘅《瀟湘竹石圖》,可以話係曠世之作,從中仲可以睇到蘇軾嘅喜好。《瀟湘竹石圖》係以湖南省零陵縣西瀟、湘二水合流處為中心,遠山煙水,風雨瘦竹,展現瀟湘二水交匯點,遙接洞庭巨浸嘅蒼茫景色。整幅畫作反映咗蘇軾响繪畫方面喜作枯木竹石,佢更曾有「寧可食無肉,不可居無竹」,從呢幅畫當中就睇到蘇軾對竹嘅喜好。而呢幅畫另一個珍貴嘅賣點,就係蘇軾傳世畫作只係得返兩幅,一幅係《枯木怪石圖》,另一幅就係《瀟湘竹石圖》。
原圖嚟自網絡