最近國產大飛機C919已經完成試飛同拎到準飛認證，近呢兩日仲要交俾首家客戶東方航空，呢個可以話係中國航空史上一個重要里程碑。
中國國土廣闊，國內航線眾多，航空事業發展更一日千里。咁史友們又知唔知，中國係幾時出現民航航線呢？答案就係1920年喇！响1920年4月24日，中國第一條民用航線京滬航線京津段試飛成功，之後响5月7日正式開航，開創中國航空業嘅先河。當時正值第一次世界大戰後，飛機從軍用轉化為民用，世界各地陸續出現民用航線，當中就包括中國。而當年北洋政府就積極推動航空發展，交通部仲成立「籌備航空事宜處」，從英國購入六架飛機，結果响1920年就有民航航線出現喇！
據當時報章報道，首班航班載客15人，包括咗英國駐京公使艾斯敦君同中國交通部三名代表，總計飛行時間一個鐘頭左右。而完成首航後呢架飛機仲載住天津遊客環繞天津飛咗兩個圈。咁似乎首航係似做騷多過做生意喎！
原圖嚟自網絡