喺南京大屠殺死難者國家公祭日前夕，又有一個令人傷感嘅消息傳出，就係又有一位南京大屠殺倖存者離開人世。
據侵華日軍南京大屠殺遇難同胞紀念館消息表示，倖存者向遠松於2022年12月5日傍晚去世，享年94歲。出生喺1928年嘅向遠松家住南京寶塔橋董家巷，喺南京淪陷之時，年僅9歲嘅佢就失去咗兩位親人，哥哥向遠高喺1937年被日軍捉走，最後被關押喺煤炭港倉庫後被集體槍殺、焚燒；至於四叔就同樣係被日軍殺害。
當時唔知情嘅佢就曾經同父母離開過難民區尋找自己哥哥同四叔，但就喺長江邊嘅屍體堆當中遍尋不獲，呢啲恐怖且傷痛嘅回憶伴隨住佢一生，向遠松表示「那一場人間慘案給我們全家帶來的打擊和悲痛，一直持續到了今天，時刻都沒有忘記。」
隨住向遠松嘅離世，南京侵華日軍受害者援助協會登記在冊在世的倖存者僅剩54位。
原圖嚟自網絡