繼續同史友們介紹一啲有趣嘅歷史謎題，上次就同大家介紹完點解古代戰場上嘅將軍都要都會着上一件披風，今次就同大家講講點解古代兵器長槍之上都會掛上紅纓。
要知道喺古代兵器當中，長槍威力十足並且實用性強，就算武藝唔精通嘅士兵都可以單憑長槍而遠距離殺敵。之不過，到底點解長槍之上要掛上好似冇乜實用性嘅紅纓呢？當中就有幾個原因可以同大家講一講！其一，就係為咗有個紅意頭，要知道紅色喺古代嚟講就係象徵吉祥，喺長槍上掛紅纓亦都係意味住祝願戰場上嘅戰士可以大勝歸來。
而假如以實用嘅角度嚟講，喺槍頭部分不斷晃動嘅紅纓其實就可以起到迷惑敵人嘅作用，令到對方注意力集中喺紅纓身上而忽視咗槍頭本身，繼而有助士兵一擊殺敵。
原圖嚟自網絡